Saturday, 7 September 2013

Tun Yuh Words Inna Actions©

Nuff people deh pon di get rich quick mentality
But two minds work betta dan one  suh unnuh fi create unity
Work togeda as a community
And si how unnuh wi relish in prosperity
Instead a watch each oda
If a sista start climb unnuh a bruk dung di ladder,
And if sumaddy ever a buss a bredda
Unnuh a seh a sell him sell unnuh out
But wah unnuh a do except a run off unnuh mout
Tun yuh words inna action
But not di type a action weh a hinder anoda bredda motivation
And dem seh dis worl Inna ression
But nuff people a use dat as an excuse nuh fi betta dem position
And mi feel sorry fi di next generation,
Because dem aguh Inna a harder situation
And look how Jamaica a twist and a turn
Money guh as fass a yuh earn
And nuff people nah earn nutten
But dem a di ones who always affi a seh sumun
Tun yuh words inna action

Turn your words into actions

Note: Haven't written anything in a long while and my apologies for that. I'm slowly regaining consistency so bare with me. Thanks. Love you all. Tanny xx

All content on this blog are the property of the author, TannyTizzle and may not be copied, reproduced, distributed or displayed without TannyTizzle's permission.

All poetry registered with Copyright House